Pakon boh peundang kulet jimirah
pakaon boh meusabah han deuh eue asoeo
bacut lon rawi keu cut nyak ceudah
ubak jak ublang hanjeut buet jaro
hanjeut semula po puteh licen
sebab tan kayem geu ikot poma
hana le galak bak pula pade
bungong meu ungngke takot kuto jaro
jinoe kasusah bak pula pade
payah ta pangge ureung dilua
bak ureung medan yue pula pade
baro meuhase ohtee tameugo
pakon jeut meunan bungong meu ungke
bak pula pade kajeut keu beu o
hana ta ingat ona seulangke
sapue han ase hanjeut buet jaro
bedoh meurunoe bintang meu ble ble
bek sampe mate adat getanyo
menyo taharap bak ureung awai
jadeh hai rakan geutanyo deuk tro
eh pila pade han tapetimang
kiban hai rakan oh ache masa
payah tajak nya awak medan
sebab awak nyan carong lagoina
bak saboh watee na ulon pesan
dua awak nyan bak but seumula
leupah that carong dua awak nyan
pula baresan han suah jaga
oh tayue bak aneuk dro laju jikheun han
sebab awaknyan hana biasa
neujok laju bak ureung Medan
seubab awaknyan han payah jaga
di ulon jinoe lon neuk jak keunan
ubak piasan si chehlah geunta
kuneuk jak eu awak meusaman
hana galaknyan keubuet seumula
meunan keuh lagee nyak dara ceudah
bek peugah-peugah keubut seumula
bah beurele hanle kupakoe
buet kuto jaroe han le ku hawa
menan keuh jikheun le aneuk dara jinoe
hanle kupakoe bak buet seumula
lon nyang galak bak jak meuranto
oh wate kuwoe ek kublo Honda
Saleum
Tgk. Chiek di Buloh
02 Oktober 2011
Tidak ada komentar:
Posting Komentar