Buloeh meukoeh disak oen pisang
Breuh leukat adang, na ciet boh ubi
Leumang ditoet uroe mak meugang
Ngoen tape saja diboeh ngoen ragi
Bulen get, uroe get
Leumang mak peuget beutatume rasa
Keupeu adak na sie sieploeh boh beulanggoeng
Meunyoe aneuk inoeng hana saja ma
Ulon tuleh dari Sikabu
Hana that meucuhu meunyoe di Aceh nyoe
Gulee oen paku lawoek bungoeng peutek
Cukup that ceureudek duem ureng jinoe
Dikeun bak babah ulon puasa
Diuroe kra asap meuguboek
Masak indomie dicoet uroe timang
Meubee ngoen bawang diteupe dek ureng lingka
Cempala nuri nari congkong tingkap
Lampadee leukat ulat meusarang
Nyoe Ramadhan ka diambang pintoe
Tanyoe meututoe kadang na gasa
Kadang meusinggoeng haba koen wayang
Peumeu’ah ulon hai kaum duem na
Hai kawan Satra Aceh nyang na disinoe
Kadang hana get bak kamoe keulola
Kadang kamoe seupak uluwa ureng hana get bahsa
Kadang meudawa bak tuleh panton
Nyoe ta samboet bulen puasa
Tanyoe nyoe banduem ta meusyekdara
Nasruddin Oos ngoen Etty Rismanita
Seubagoe admin dalam grup Satra Aceh nyoe
Meupeugah seulamat ta samboet bulen ramadhan nyoe
Seumoga seumaken meningkatkan iman dan ketaqwaan geutanyoe
Saleum
Nasruddin Oos
Tidak ada komentar:
Posting Komentar