Kisah Yatim Muntui

Meulempah sayang aneuk leuk kutru,
Kahana le su gadoh lam uteun,
Salamalaikom rakan lon rindu,
Saleum sigapu yg guree hideung,

Sayang sayang sibintang kulu,
Cahaya tan hu oh teuka ujeun,
Sayang sayang yatim hana du,
Yg lempah pilu mutui e aduen,

Adak na poma jinoe lam kubu,
Teubujo kaku tanoh seuneumueng,
Ka Geucok pulang oleh Tuhanku,
Meninggai umu oh leuh geu madeung.

Cicem keudidi mata ka sayu,
Dicong bak tampu dimoe lam ujeun,
Dipoma tiri keujam that laku,
Wate hana du aneuk dilinteung.

Dipeugot aneuk kalagei babu,
Adak di bri bu lam bruek di seuleung,
Hana meu eungkot kenan dijampu,
Yg na e abu diboh ngon tuleung,

Saba e adoe bek le lam pilu,
Beu luwah kubu dipoma kandung,
Doa talakei nibak Allahu,
Seulamat umu iman ta peuthue