Bek Muepake

Tajak u gle tatarek awe
Ta koh pade tente lam paya
Wahe syedara bek muepake
Lon bagi ade manduem piala

Dalam blang rame ureung meurabe
Ureng meubace lam krueng raya
Pakoen awak droe sabe lam pakee
Peukeh ka than le meusineuk rasa

Sesama syedara hudep beusabe
Taduek beusare peutimang banja
Bek lage nanggroe lam karue sabe
Susah that hate sengkak ngon dada

Sabe tiep uroe ta lengoe sue bede
Sagoe jeh meugule hilang ngon nyawa
Hana meudosa ka ikoet mate
Hana seumike nyang pubuet desya


Meunyoe geutanyoe na sifet ade
Mubek le muepake sesama syedara
Oh na piala tabagi sabe
Beuna ciet seumike keu ureung papa

Oh lam gasien sama meurabe
Oh ka meuhasa sama meurasa
Inan keuh tercipta makmue hate
Jioh ngon bede hudep bahagia