Sapa Beungoeh

Assalamualaikoem rakan sinaroe
Nibak bunngoeh nyoe lon sapa gata
Dandang tamoeng sikula ulon troeh keunoe
Gata lon peugoe ngoen dua krak haba

Uroe jumat uroe nyang keramat
Uroe nyang mangat le pahala
Rame duem ureung dipileh uroe jumat
Peugoet acara sunat atawa pesta

Teuma bak gata kiban pandangan
Bak ureung agam atawa nyang dara
Peu beutoie meunan lage lon karang
Neubrie alasan wahe syedara

Na manduem kheun uroe nyang saban
Geu peugoet le Tuhan hana meubeuda
Tapi lam nyata rame dheuh ta pandang
Uroe rahmatnya meulomba-lomba

Saleum Beungoeh...