Siet Lahiet Lahoe

Siet lahiet lahoe,,Adoe oe siet lahit lahoe,,
Bek lee tameututo yang kon kon habaa
beu na neupike wahee teungku oe
Nanggroe ka hancoe gadoeh meudawa..

Dilee tamuprang rakan goh that meuhamboe
Jinoe ka hancoe rakan oe pulom takira
Meunyoe na neu sayang hai ureung meu atoe
Leubeh goet neu mundoe bekna lee haroeh haraa

Kisah Makwa Minah

foto internet

Cukoep that teulah jinoe di Makwa Minah karoeh geumeunikah  ngoen agam buya,  pike meu ubah oh leuh meunikah rupajieh meutamah parah lage nyang kaka.

Jinoe Makwa Minah cukoep that susah rata meunasah geujak kliek-klik droe, pikee keu lakoe lage penjajah beuda limoeng  blah ngoen awak Belanda

Pike hareta leu lam pangkee lampoeh teube pih  ata gala, geujak u kota ngon gaya Eropa moto geusewa payah meugade, oh deuh geukalon nyang dara-dara laju geu klep mata peukuwet misee.

Meah

Assalamualaikom adun adoe

Saleum dari ulonnyoe meuhat mileek gata

Peumeuah syedara salah lon bak meututoe

Bak meu atoe karoeh sakeut gata

Peumeuah bak rakan manduem seukawan

Salah lon tuan puetimang gata

Meuseungaja ngoen than, tuloeng neu maafkan

Bek na sangkotan ulon ngon gata

Sosah

Allah hai poe banta saidi

Bungoeng giri bak teungoh desa

Dua aneuk  nyan hana soe padoli

Ka yatim diri hana soe kira

Adak tajoek bak pemeurintah

Hudeup susah sinan bak asrama

Tapi luka mantoeng meudarah

Meunyoe goeh glah luka lam dada

Ie Mata Lakoe Ngon Aneuk Simata Wayang

Meu ie di la ot meu alon bicah
Lampucok lipah na ulat bangka
Sijuek ulon top hugop lon peuhah
Peusabab ulah dinda ta bungka

Ta keubah ulon wahe dek payong
Sinoe di gampong lam haro hara
Hanle ta ingat cinta dek payong
Tapeugah kelon hana setia

Sibungoeng Ramboet

Foto internet

Teuduk ulon bak bineh laot

Hate meubalot ingat keu gata

Dara lon cinta sibungoeng ramboet

Jinoe habeuh roet hana meuhoe ka

Ie mata dile sabe tiep seupot

Lage ujeun roet meutaga-taga

Sengue that rasa than na soe baloet

Wahee bungoeng ramboet hoe ta bungka

Le that bak aroen oh Dek eu di bineuh pasi

Lom jaloe meuriti bak bineh kuala

Sengkak lam dada teingat oh bungoeng melati

Watee tameunari  oh sepoi  teuka

Sibungoeng Ramboet

Teuduk ulon bak bineh laot

Hate meubalot ingat keu gata

Dara lon cinta sibungoeng ramboet

Jinoe habeuh roet hana meuhoe ka

Ie mata dile sabe tiep seupot

Lage ujeun roet meutaga-taga

Sengue that rasa than na soe baloet

Wahee bungoeng ramboet hoe ta bungka

Le that bak aroen oh Dek eu di bineuh pasi

Lom jaloe meuriti bak bineh kuala

Sengkak lam dada teingat oh bungoeng melati

Watee tameunari  oh sepoi  teuka

Senyum gata bie ban bulen purnama

Leumbot sapa  lagee  sang bidadari

Tapi kini hudep lon lam seupot buta

Oh bulen purnama  sampai that hati

Angen dipoet meusok lam hate

Sijuek bukon lee nyang ulon rasa

Sang-sang  dheh gata ulon talambee

Ku peuthoe lee, dudoe ka hana

Oh Dek mulu sibungoeng hate

Ek that meusampe ulon ta tinggai

Hana nyang laen didalam hate

Sibungoeng padee woe bak asai

Meugruem ie laot ulon teukeujot

Ie mata nyang roet teu the pih hana

Gata jak hana tangieng u likoet

Oh bungoeng ramboet  ulon kecewa

Saleum

Pantoen keu Kanda

Assalamualaikoem …

Paseung di laot bobah dalam blang

Cukoep that sayang ureueng meutani

Geukaloen padee teungoeh keumang

Keubit sayang matee meuriti

Meunan keuh hai Bang cinta lam hate

Adak neucungke han mate rasa

Tapi sayang keubit bukon lee

Harus ta meucre segohlom meubantai dua

Hasrat lon hai Bang neu meutunang

Hudeup lam naungan buboeng asmara

Hudep meusama susah ngoen seunang

Hendak sikafan matee dua

Ka ulon peugah bak boh hate sayang

Bek ngon lon tuan neu meukeuluarga

Ulon tinggai di nanggroe than aman

Uroe ngon malam hanjeut teunget mata

Lepah neu teunget meusiklep mata

Laju hareuta gadoeh meulayang

Adak ta behe droe hana meuguna

Keudeh lam penjara bak jeruji hitam

Adak tajak u gle neuk jak pula pisang

Takoet than neuriwang keuno bak dinda

Adak pih neugisa hana lee saban

Nyawoeng lam badan ka than le na

Ka meunoe keuh nasiep lam nanggroe dinda

Ayah ngoen ma beda tujuan

Hale haram hana mandeum kasama

Di meu lomba-lomba reuboet keukuasaan

Leupah that sayang sikrak leumang

Hana pah santan meu kete’t rasa

Nyoe keuh panton keu kanda lon layang

Geulantoe alasan lon jaweb haba

Kaseup kueh oh noe cerita lon karang

Ceurita hiburan bak malam jula

Peuemuah sigra oh han pah rumbang

Sebab lon tuan hana biasa

Singoeh watee tasamboeng lagi

Masalah meurawi han peu neutakoet

Oh pantone neu taot neu boeh biodata diri

Tanda na nyang miliki bek sampee dicok le gop

Saleum

Banda Aceh

Derita Bungong Jie Keubah Le Kumbang

Adak hana watee hai rakan meutuah

Ulon seu leu ah tamong bingkai sastra

Menyoe kajeut keungon payah taleupah

Meunan geupeugah le ureung tuha

Bak pisang wak timoh bineh kruen
Timoh lam naleung tansoe usaha
Seutia payah lon pula bongong
Oh wate keumang ka gob po atra

Yoh wate ubeut hana soe tanyong
Pakon oh keumang kembang troh teuka
jijak peulaloe akan bungong nyan
Ohka laye bungong jie tinggai teuma

Setia payah lon tambak leu hop
Bungong babah rhot kagop po atra
Adak lon tupeu nasib lage nyan
Bongong lam taman han lon bie mala

Meunan keuh nasib di kah bungong
Oh ka layee bak keumang kumbang ji bungka
Talake do,a ubak hazarat
Bek lam meularat hudep di donya

Ya ilahi ya Po Tuhan Lon
Neubi bongong lon bek roh teurana
Beu panyang umu mudah raseuki
Neubri ya Rabbi beu ampon Dosa

Beu gepue meu ah poma ngon ayah
Seubab lon ilah perintah gob nyan dua
Jinoe tuboh lon dalam penderitaan
Si kumbang jantan ji kubah hamba

Ji kubah ulon ji mita yang laen
Cut bungaong canden si ceudah rupa
Ji kubah boh u jicok boh mamplam
Jiteik lontuan lam hate duka

Oh lon meulahe dalam penderitaan
Aneuk lon sonsang payah keu luwa
Lon ba bak tabib lon you seuleusoh
Gobnyan meu tanggoh dua hari tiga

Penderitaan lonmeu tamah tamah
Hate lam gundah tiep2 ku tika
Oh tae digob cit saboh macam
Ta eue lon tuan suami hana

Meunan keuh sabe udep lon tuan
Han soe lee pakoe si suntok masa
Beu bagah lahe aneuk meu tuah
Geulantoe ayah oh rayek gata

Tabeh peurangui lage buet ayah
Lakeu bak Allah teip uroe masa
Bu bek nale akai kumbang nya
Neubri ya Rahman aman sentosa

Adak lon mita bungong lam taman
Akai kumbang durjanam bek lee meu gisa
Beu neubri keu aneu lon akai yang ceudah
Neubri ya Allah beu samporeuna AMIN

Saleum

Top of Form

Bottom of Form

Hudeup Meumadue

 Simangat-mangat kuah bôh labu

Meunyôe ta taguen hana meusira

Simangat-mangat hudeup meumadue

Pasti na karu sigôe-gôe na

Paneu na mungken dua bôh jalöe

Di peutajoe lè  drôe pawang

Ka teuntèe mueplang nyan jalöe

Adak göt geu atöe hana ciet seuimbang

Leupah that sayang keu sabôeh timphan

Diateuh talam rhô meutabue

Hana hudeup seunang hana pajan

Sabée tiep malam teuka cemburu

Tapula panjôe disampeung rumôh

Na teumpat teudoh watee uroe kha

Adak ngoen doa keunoeng pröeh

Krèh krôh lam rumôh teutap na

Saleum

Etty Rismanita

Jatoeh Hatee

 Lagee riyeuk ie laot di bineuh pantee

Hana pree-pree sipanyang masa

Meunan keuh umpama rasa lam hate

Lon siram sabee ngoen janji setia

Beu that nyang laen lee troeh teuka

Lagak ngoen rupa cukoep teuh tari

Tapi ulon hana meusuka

Meunyoe kon ngoen gata oh bidadari

Duka bak Dua Uroe Raya

Assalamualaikoem rakan Sastra

Nibak nyoe masa lon keuneuk meukisah

Saboeh sejarah hanjeut lon lupa

Meuah syedara lon lakee pat na salah

Naleung samboe timoeh dalam paya

Naleung Belanda timoeh dalam gle

Sideuh that hatee bak saboeh masa

Yoh karue bangsa kuta ngoen di gle

Bak saboeh gampoeng di ujoeng kota

Saboeh keluarga cukoep meusampee

Ureung duem senang hatee digopnyan lam duka

Dalam keluarga Ayah ka than lee

Teungoeh geut uroe di dalam nanggroe

Di teuka kacoe rudhoek meutaga

Than na teujaloek meusok lam hatee droe

Meupisah ngoen lakoe siattek masa

Kaleuh geu peugah bak sang lakoe

Nibak uroenyoe bek leupah-leupah

Bhek ta peuleumah ka nibak badan droe

Maklum lam gampoengnyoe rame “tiwah”

Tapi sang lakoe han geu pateuh

Di peudeuh gateh keudeh bak jalan

Dua meunet leuh nyan troeh sibajee gareuh

Inan keuh abeuh boh hatee intan

Darah meuhampoe hiasi jalan

Gadoeng ngoen itam darah meuwarna

Geklik meutaga inoeng poe badan

Geukaloen  rijang rupa tercinta

Beukah ngoen ule patah ngoen pha

Didalam dada saroek meusareung

Teuthiek meulinteung jaroe meupisah dua

Isi keupala sinan theumbayeung

Sira geumoe inoeng nyan reubah

Sira geupeusiblah tuboeh sang lakoe

Geumat jaroe nyang ka patah

Keudeuh geupapah lam pangkee droe

Cukoep that sayang nibak uroenyan

Saboeh peumandangan hana lagee nyang kaka

Aneuk dua geutinggai lee sang Ayah poe badan

Ayah ka meuriwang u alam baqa

Sayang poe ticeum di langet manyang

Ka keunoeng seunapan teungoeh sinja

Seumoga na keuadilan ngoen kasihsayang

Keu aneuk dua nyan na nyang peusikula

Saleum Etty

Kajhu,  11 Juli. 11