Ka Salah Arah

Salammualaikom adun ngen adoe,
Putra ngen putroe saleum lon tuju,
Nyang muda mudi senang that lagoe,
Sang sang rasa troe bahpih golom bu,

Dipasi lhok nga kareung meuranjoe,
Ureung jakj manoe oh uroe minggu,
Uroe palentin senang han bagoe,
Nyan keuh hai uroe saleng memadu,

Kasalah arah mandum geutanyoe,
Hansep meurunoe nyan nibak tgku,
Hareum taikot palentin adoe,
Budaya paloe nyan jen sikutu,

Adat yahudi meunan keuh bagoe,
Hingga geutanyoe katajak tiru,
Meulempah jahat beujat peurangoe,
Islam di cakoe dak jeut beukaru,

Getanyoe islam dijak peulaloe,
Sabe tiep uroe tanyoe dirayu,
Meuhan tapateh wahe e adoe,
Jeut baca keudroe bak buku2,

Mumada dilei haba lon rampoe,
Than mangat asoe ka sigoe minggu,
Saket lam ule meu ngap2 gigoe,
Reukueng sang sungkoe kadang2 flu,

Meunan penyaket musem megantoe,
Cuaca nanggroe hana menentu,
Salah ngen silap meu'ah lon sidroe,
Kadang hai adoe ulon leupah su,