Assalamualaikoem

Assalamualaikoem mula ngon salam
Keu manduem rakan tuha ngon muda
Ubeut ngon raya hawa ngon adam
Nek Nong Nek Gam Pocut ngon Apa
Sinoe ngoen sideh laot ngon hutan
Lampoh ngon di blang manduem lon pangge
Leungoe keuh pacut saboeh karangan
Saboeh doanyan bak uroe lahee

Terimoeng geunaseh ulon sampoekan
Ateuh ucapan nyang katroeh teuka
Seubab di jaroe hantroeh meureugam
Lewat karangan lon cie peumada

Nibak watenyan hate that bimbang
Teungoeh peutimang hate nyang subra
Katroeh syedara jak bie ucapan
Senang hana ban nyang ulon rasa

Pike ciet jadeh doenya lam karam
Sepot ngon hitam nyang deh bak mata
Grak Rabbana lon geupeuseunang
Ngon rakan – rakan mandum ubeuna

Pujo syukoe kepada Tuhan
Nyang mat jalan hudep manusia
Terimoeng geunaseh ateuh umu nyan
Moga beupanyang peunoh ngon ridha