Tapileuh - Tapileuh

Tapileuh hai neuk tapileuh
Nyang hate puteuh lage saka
Asai bek rupa sagai nyang puteuh
Hate hana gleuh hana meuguna

Nyang tuloeng gata khon rupa nyang tari
Nyang teum peurati budi ngoen basa
Meunyoe nyang lagak gadoeh ngoen gincu bibi
Aneuk roet lam ie di turi hana

Tapileuh hai neuk tapileuh
Judoe nyang gleuh, seulamat badan
Hate teunang oh watee ta eh
Hate han meucureeh pike keu nyang macam-macam

Takaloen bacuet e hai sinyak intan
Keu merek ban hanjeut keu pangkai
Hana meu akai, gata nyang mumang
Dikee Mak Tuan di peugoet akai


Ta pileuh e hai neuk ta pileuh
Bek rugoe habeuh hasee hana
Menyoe keucewa payah that puleuh
Payah ek binteuh wahee syedara

Kaseup oh noe cae lon tuleuh
Ngon hate puteuh peusan teu peuna
Seumoga kita caroeng meu mileuh
Bek ciet leupah pileuh karoeh meudoesa

Salam, Etty Rismanita
Kajhu 21 November 2011