Jaga Budaya

Assalamualaikoem wareuh taulan
Nyoepat lon tuan jak samboeng haba
Ta meu calitra geutanyoe rakan
Inoeng ngoen agam tuha ngoen muda

Ubeut ngoen rayeuk, Aduen ngoen abang
Keubudayaan beuna tajaga
Ta useuha useek budayanyan
Bek sampe rakan di jak cuca

Laot nyang luah hijoe meubentang
Gle deungoen blang teuhah meu hampa
Nyang manduem tanyoe poe hai rakan
Kehendak Tuhan Aceh raya

Mubeuk le ta taheu wahe e rakan
Beudoeh beusajan beu sare-sare
Tajak u gle atawa u blang
Olah barang jeut na haseee

Nyang jagoe meupolitik beu pah neu faham
Bek  raya rantam rugoe nanggroe
Nyang caroeng ceumeulo jak ju u blang
Olah mangkanan untuk aneuk cucoe

Tajak u gle tapula mamplan
Ta peuget rangkang bak bineuh paya
Lage lon tuan laen lom macam
Uroe ngoen malam gadoeh meusastra