Bak teungoeh lampoeh di timoeh bak jok
Reubah meutumpoek lam kulam bace
Adak barang gasoe nyang mat tampoek
Nanggroe nyang beuok dak jeut bek rele
Tajaga sabe ngoen sama antoek
Pat-pat nyang broek sigra tatuka
Jalan nyang reuloh ta teumpe beuok
Jeut bek meuantoek oh taek honda
Peulom aneuk dara ngoen cut bang peulandok
Oh meuantoek peugah hana basa
Padahai jalan nyang cukoep that broek
Geu rem beuok ka meu antoek pa
Kadang roeh teumat bak kieing beuok
Jet bek meutumpoek lam lubang raya
Laju nyang tuha geujak teumawoek
Laju di peutroek bak bapak WH
Wahe syedara bacuet lon tawoek
Leumpah that loek diek rupia
Harega BBM pih rencana geutumpoek
Sang jadeh lhoek rusok ngon mata
Leupah that sayang rimueng teumawoek
Simalam suntoek di dalam rimba
Meusoe keuh gata nyang mat tampoek
Rakyat geupreh troek ngon lapang dada
Oh noe keuh mantoeng haba lon peutroek
Induk jaroe neujok bagi nyang suka
Nyang hana suka meuah beurayek
Ulon teumawoek keu gura-gura
Tidak ada komentar:
Posting Komentar