bukon le sayang bungong ban keumang
kahabeh karam meubuet ie jile
bukon lee sayang ureung islam
... kakaram iman hansoe pakoe le
adak na sidoroe sapat di tgk imum
han soe peuremeun meukuin lam tika
mari rakan lon rakan meutuah
tajak u meulasah beu tiep uroe masa
tajak sembahyang ubak meulasah
tuhan peuluah raseki gata
meunyo hana taingat ilahon rabbi
gobnyan han geubri raseuki gata
ta pujoe sabe waya hazarat
aceh nyoe meuhat makmu beusigra
beu bagah makmu timu ngon barat
aceh seluamat geubri le Allah Ta,ala
meunyan agama hansoe lee pakoe
pakiban dudoe generasi muda
geunerasi muda pondasi nanggro
tayue meu runoe bek sia sia
oh rayek gata wahe samlakoe
ta pin pin nanggroe peuteupat banja
meunyoe han tatem jinoe meurunoe
kiban oh dudoe oh rayek gata
tapeugah sabe gob hana beutoi
yang paling beutoi ci haba gata
wtee lon dengo gata semeugah
sabee hana pah han jikap le keupala
sebab ta peugah reugam buloh bicah
nyan keujeut bicah keulompok kita
menyona tajak sikula ngon bak madrasah
oh ta seumeugah jilop lam keupala
beudoh rakan ee wareh ngon sabat
yoh golom teulat jak baksikula
oh malam tabeut bak tgk syafi,i
eleume geubri keu pada gata
oh beungoh uroe tajak sekolahan
supaya timang eleumee donya
eleume akhirat bak tgk syafi,i
meu baroe meuri na eleumee gata
meu baro taduk kurusi bupati
hana lee meuri nyan bodoh gata
ta pin pin nanggroe kota ngon gampong
kajeut tasuson pembangun desa
menyohana eleume pemerintahan
eleume agama pihtan peubuet keunan gata
meyokon reuloh pucok pimpinan
habeh ngon uang sapue pih tan na
meunyoh han ta pateh haba lon tuan
datang penyesalan hana le guna
menyo si ceumangkoi bek harok keu bupati
di caci maki pimpinan gata
ta pula pade dalam blang luah
beu taseuleu,ah boh pupuk teuma
menyoe suai peng na bak pomerintah
tinggai ta mohon proposal taba
ureung carong ngon ureung tani
dong beumeuri bek santeut jeumba
di ureung carong sok baje baro
peutani yang lo go cangkoi raba
bek di peutani meulagak singa
oh lhueh ta angkkee nyan keuh mise yang na raya
beu taturi droe e intan payong
bek yang ho meu ron ron cit kana gata
lage seurabe mita panyothu
oh malam laju lampu jimita
hana got tabi,at meunanan e tungku
mita kanot bu kon lagenyan cara
taduk keu peuminpin beuna tathe dro
bek mie tapasoe lam umpang saka
bek tabalot ija dalam keureutah
hanjeut peusiblah ujeu ji teuka
ija pih bulut kajum keuretah
kiban tapapah ija limbot gata
menyoe tabalot pakek plasutip
ie jieteubit han trok lam ija.
Tidak ada komentar:
Posting Komentar