Duem Bala

Assalamualaikoem e bungoeng mawoe
Bungoeng lam nanggroe sedeh hana ban
Meumacam rupa duem talengoe
... Hudep lam nanggroe than meurasa aman

Bak thon 12 ureung keun kiamat
Mungken ka meuhat wahe syedara
Bala duem teuka Timue ngon Barat
Habeuh meularat ureung lam doenya

Sideh Jakarta cukop meukarat
Lam pesan singkat teuka Badai Katrina
Sideuh di Jawa ka karam teumpat
Krung ngon darat hana le beda

Bak nanggroe ujoeng ka laen lom ban
Le pembunuhan takalon nyata
Di Papua, Aceh pun saban
Meulanggar HAM han ek takira

Kasus Mesuji mantoeng that tingat
Leuh nyang sahabat laju u Bima
Perang saudara bak jeut-jeut tempat
Ka beuda pendapat Adun dengon A

Manduem nyang bala teuka lam nanggroe
Wahee sinaroe kiban bak gata
Peukeh nyan tanda kiamat rap sampoe
Adun ngoen adoe kajeut neukira