Pakon Adek?

Pakon di gata wahe adek lon
Oh dek payoeng geunaseuh poema
Nibak awai phoen langkah ta ayon
Taingat ulon cut kak gata

Hana laen oh dek payoeng
Harta meugudoeng hana kak damba
Ta kaloen hai dek ie mata ma ie troen
Ke gata adek lon oh bijeuh mata

Poma keu gata gaseuh meulamboeng
Di bandeung ulon nyang kedua
Di bineuh paya gata geu ayoen
Lam uroe tutoeng mita beulanja

Pakoen digata wahe adek lon
Peuleupie imboen bak saboeh masa
Jinoe ka ta bungka wahe adek lon
Ta keubah digampoeng ulon ngoen poema

Poema sidroe geupreuh bak ayon
Geumeupantoen lage yoh dile
Pakoen meusampe gata adek lon
Karap limoeng thon hana meudieng le

Ta peugah hai dek peukeuh salah lon
Oh dek payoeng geunaseh ma
Tagisa hai dek keunoe u gampong
Sigoe-goe takunjoenng nyang peulahe gata