Bungoeng Nanggroe

Assalamualaikoem hai bungoeng mawoe
Tajak keunoe ta peugah haba
Tapeugoet banja manduem geutanyoe
Sabe keu droe-droe beu saleung setia

Ngoen sineuk pureuh hanjeut ta seumampoeh
Ta peuna seretoeh atawa seikat
Meunan keuh sahabat umpama ulon boeh
Geutanyoe beutroeh taduek meusapat

Tapula bak drien didalam lampoeh
Na peu tapajoeh oh ka tuha
Ta keruja teungoeh kuat tuboeh
Menyoe ka lumpoeh ciet ka di ateuh tika

Di dalam gle ta pula pala
Ta pula lada di dalam keubon
Manduem meuhimpoen gle ngon kuta
Nyang dara-dara hitam ngoen saboen

Geutanyoe sama di dalam nanggroe
Hana aneuk putroe khon cucoe di raja
Na hak sama ta beula nanggroe
Aduen ngoen adoe ubeut ngoen raya

Kaseup keuh oh noe cerita kalinyoe
Meuah keu ulonnyoe beuna meusampe
Ku peugoet cae teungoeh meurunoe
Meuah keu ulonnyoe wahe boh hate