Pileh-Pileh

Sayang meu sayang duem gata wareh
Gaseh meugaseh sesama silingka
Tapegot banja ta ikat bareh
Lage page beuteh bek dilop bola

Wahe syedara sibungong manggeh
Tapajoh siireh cukop merasa
Geutanyoe umpama sigumpoi pureh
Kekuatan ta tindeh bela bangsa

Tasemileh hai syedara tasemileh
Nyang meuakhlak puteh meubudi sopan
Nyang peuharum bangsa lage masa uroe jeh
Beutroh bak lapeh ke syariat Islam

Nyang ba peukacoe kajet tapeugleh
Beudipateh bak hukom ngon agama
Peuget qanun bek melanggeh-langgeh
Oh tapeulareh bek meuputa-puta