Nasiep Di Adoe

Assalamualaikoem sebagoe permulaan
Ngoen duablah tangan ateuh jeumala
Meuah teulake bak manduem rakan
Kadang nyoe karangan na salah haba

Teungoeh teu duk-duk meucureuh lam dada
Keuneuk meusapa manduem sinaroe
Hantroe jaroeh keunan lon jumpa
Lewat sastra ulon peu sampoe

Sideuh di laot buweh meutaloe
Sigoe-goe diwoe u mieng kuala
Cukoep that lama rindu keu adoe
Sideuh di nanggroe raja Malaya

Suengue meuleumpah jinoe teurasa
Rindu lon saba ngoen ie mata di troen
Lage ie bom ban beungoeh teuka
Adek Karmila jinoe ka geutroen

Geujak keureuja u nanggroe Malaya
Gantoe rupia dengoen mata ringget
Rasa meusungket lon deungoe haba
Adek di sana ka mata teupeet

Ka lam peunjara gata geupasoe
Sebab di Adoe ka neu poh majikan
Bak peumbelaan martabat droe
Jinoe di adoe ka keunoeng tahanan

Wahe Bapak peminpin nanggroe
Neu tuloeng Adoe nyoe beuna kebebasan
Bek na hukoeman nyang roet bak adoenyoe
Sebab awak droe jaga keubaikan