Jasa di Ayah

Assalamualiakoem e kumbang pade
Kumbang dalam gle goeh digisa
Deungoen saba ie mata dilee
Hate meurawe ingat keu jasa

Jasa nyang rayeuk hanjeut lon peuglah
Hanjeut lon balah wahee kakanda
Meunan keuh syedara jasa di Ayah
Hapoeh hapah mita beulanja

Oh uroe beungoeh langkah geubeuot
Oh uroe seupoet laju meugisa
Mita beulanja keu kamoe nyang dilikoet
Guruek teuot geulingke paya

Ie reuoh dile hanjeut taseuboet
Meuturoet-turoet ngoen ie mata
Leubeuh seungsara oh ujeun roet
Geu um teuoet di yup bak pala

Neubri ya Allah, selimboet Ayah
Oh geumita nafakah lam rimba raya
Bek na mara nyang jeut keu susah
Neubie ya Allah beusihat seujahtera