Suara Jurnalist

Leumpah that sayang si aneuk tiwah
Ka gadoeh Yah bak geumita ma
Leumpah that sayang ingat keu “pemerintah”
... Hukoem than jeulah cok peukara

Jinoe kamoe cukoep that susah
Geu pandang siblah kinerja nyang na
Padahai beuna nyang kamoe peugah
Dianggap penjajah lawan Negara

Pakoen keuh meunan nasiep dikamoe
Sabe tiep uroe keunoeng seurapah
Ka di peugah meumacam bagoe
Padahai kamoe cuma tukang peujeulah

Pat nyang han muepat awak droen nyang peuteupat
Kamoe sahabat hanya meu info
Keu syedara lam Nanggroe nyang than muepat
Masalah akurat nyang terjadi di nanggroe

Leumpah that sayang yang terlibat didalam nyan
Uroe ngon malam geu terror bak hape
Geupike digoepnyan nanggroe jieh poe ban
Kamoe geu ancam meumacam lagee

Meah rakan ateuh nyoe karangan
Cuma hiburan cerita teutuleh
Meuah beu habeuh bek na sangkotan
Laen kesempatan tasamboeng wareuh

Saleum
Sastra Aceh