Doa Keu Aceh

 

Assalamualaikoem kawoem wareuh

Keumanduem lapeuh aneuk lam nanggroe

Meuhat kalinyoe cerita lon tuleuh

Doe keu Aceh menduem geutanyoe

Di teungoeh gle timoeh bak nipah

Cabeung ka reubah patah angeun tampoe

Talinteung jaroe ulee ta tadah

Lakee bak Allah Ilahi Rabboe

Aceh beu aman lagee ban lakee

Hudep beudamee manduem rakyat

Timue ngoen barat saleung meupangkee

Sikrak teubee pajoeh meusapat

Ya Allah hu Ilahi Rabbi

Aceh beuneubie makmue seujahtera

Gle ngoen kuta bek le saling dakwa-dakwi

Banguen Negri untuk berjaya

Ya Allah ya Rabbul Kade

Neubie beu adee peumimpin doenya

Beu teubuka mata beuna seumikee

Keulola hasee meubagi rata

Ya Allah E ya Rabbon

Beuneu peulindoeng tanoeh Seramoe

Bek lee kacoe kuta ngon dusoen

Siputroe imbon ban ceuh baroe

E ya Allah ya Rabbana

Siat teuk Pilkada sinoe di Aceh

Mubeuk Neu peuweh dari ridha

Seumoga peunguasa meu akhlak saleh

Leumpah that sayang sianeuk kutrue

Ateuh bak kulu ka keunoeng geutah

Treup meuleumpah Aceh lam karu

Kajeut e ya Tuhan ku Nanggroe beu ceudah

Hatee di rakyat cukoep that rindu

Aceh beuhayee lage phoen mula

Bek le na bala E ya Tuhanku

Hudep makmue sirakyat jeulata

Sikuntoem  mulu mubee sileupah

Haroem meugah u luwa juree

Kasep keuh dile ta meukisah

Pat na salah meuah lon lakee

 Saleum

Kajhu