DO'A POMA

Dengan bismillah lon puhon kalam
pujoe keu Tuhan yang maha Esa
selaweut salaem ateuh panghulee
Nabi Getanyo yang that mulia

olheuh nya teman keu gure gure
meu,ah talakeke beu ampon dosa
Dlikikot baknya ibunda sayang
sebab di gob nyn rayek that jasa

sikureung buleun gob nyan mengandong
jawong geusambong nak lahe gata
oh ban ka lahe gata unanggro
malan ngon uroo poma meujaga

Uroo ngon malam poma duk sidro
ayon bak jaro lam sunyi masa
meunan keuh gaseg ibunda sayang
nak jeut bek lekang meusiklep mata

oh rayeek gata wahee samlako
beg sagai tuwo akan ibunda
bethat di gata sideh lam ranto
do,a meusampo jinoe keupoma

janjongan alam panghule nabi
dengo lon khen kri hai kawom dumna
dengo lon kisah nasaboh rawi
cut nyak bukhari hana turi ma

ohba rayek cutnyak bu khari
keudeh peuregi umalysia
geujak meranto cut nyak bukhari
geu ulee ili u Malaysia

Bak saboh masa cut nyak bukhari
lee that raseuku Allah karonya
gobnyan kakaya di kota penang
menan keuh rakan Allah Karonya

nasalah bacut wahwe cut abang
cut bukhrari nyan tuwo keu poma
han geu akui poma di gobnyan
sebab masa nyan gognyan ka kaya

nebak si uroe teu keudi Tuhan
poma janjongan katroh geu hala
geujak semawe bak anek badan
unanggro penang kota malaya

ohban sare troh unanggro penang
lemah geu pandang toko aneukda
gepeuto laju ubak aneuknyan
bak bungong badan si ayeum mata

ghlom tho reoah poma janjongan
ubak toko nya keunan gehanta
ohban deuh geu simata wayang
geupelok badan aneuk tercinta

tapi sayang cukop that sayang
tangan meulayang laju bakmuka
hai ureung tuha bek peuturi dro
bek jak keuno bak ureng lua

hana lon turi hai inong jahe
ngon lon han ase bek meu calitra
yoh gohlom napeng ulon meukude
hana meusible lon kalon poma

pakon keuh jinoe poma aku droe
sebab ulonnyo lon ka kaya
nyopat peng sireutoh jak wo unanggro
yoh goh lon ku paso dalam penjara

hate that seudeh le poma sayang
beudoh le sinan geuwo geu gisa
di teugoh jalan hate teu gooe gooe
jipok lee moto bak jalan raya

tuboh kacacat poma samlako
balasan geuwo ubak aneukda
adak pih meunan tgk.meutuah
sangat paseurah hate ibunda

han geumeu do,a meusikrek kalam
sebab tha sayang siayeum mata
beuthat han jitung le aneuk badan
na ureng lae yang leubeh cinta

Do,a di poma han geupelahe
keu cahaya hate bungong selanga
adak pih meunan balasan lahe
di poma kande teutap aneuk da

menoe geusebot ka dalam hate
oh uroe akhee pembalasan chitna
bah Tuhan bri balasan yang ade
le poma kande cukob ngon saba

on seke pulot timoh bineh gle
urengkoh pade dalam blang raya
adak na aneu pih han meusampe
han ji akui lon keu poma

oh wate teu ingat bak lon peulahe
tiep uro sabe lon ro ie mata
lon duk bak gaki po bungong ungke
lon ayo sabe nak teunget mata

ohban ka kaya cut nyak bu khari
hanle ji turi keu ureung pena
kon salah poma nibak meungandong
po bungong rihon jioh agama

ohno keu manto haba meu panton
sebab di ulon neuk jak keurija
ta pangkas di lee keu cut bukhari
uroe laen lagi ta sambong teuma

lon lake meu,ah bak rakan
sebab nama nyan lon rika rika
menyo na sama lage kana nyan
meu,ah hay rakan alju beu sigra

panton nyo bukan reka Ulang tapi chayalan belaka
bila ada persamaan dalam cerita nyo,bek jeut keusaboh masalah
karenanyo buet keumarang ka barang teunte banyak rawi di lua perbuatan yang sesunguh nya meu,ah lon rakan-rakan beh

Saleum

Tgk Chiek di buloh

02 Oktober 2011