Assalamualaikoem rakan meutuah
Ma deungoen Ayah lee ngon guree
Saleum seujahtera keu gata lon keubah
On ranup mirah didalam pangkee
Wahee Poema ka dengoen Ayah
Beuna neu keubah hareukat Nanggroe
Keu aneuk cucoe nyang mantoeng mirah
Bheuk gadoeh neu olah ngoen buet droe
Wahee e syedara timue ngon kuta
Beudoeh beusigra tamat peunyampoeh
Sebab lee that tikoeh didalam paya
Habeuh di seuba padee dipajoeh
Nyang neu kalon mata beuliseuk
Sibulee mata lenteuk nyang luem-luem peukara
Lajue di raba hareukat di tareuk
Nyang sileunteuk cukoep bahaya
Laduem na tikoeh meu topi haji
Pulang pergi lam mesjid raya
Oh di meuhaba bak sang ciet Khai
Ayat di peurawie abeuh juzd A’mma
Wahee Poema ka dengoen Ayah
Kajeut neu ubah nyang buet tikoeh
Bheuk lee neupajoeh nyang khon jatah
Azeup Allah pasti akan troeh
Oleh Sastra Aceh
Tidak ada komentar:
Posting Komentar