JAMUEN KA AKHE

Assalamualaikoem rakan sastra
Timue ngon kuta duson ngon gle
Keunoe bak cae lon kirem haba
Saleum seujahtera keu rakan manduem lee

Donya ka akheu leuduem piasan
Leu that hiburan nyang hura-hura
Dianeuk muda ciet lee that macam
Peugeut hiburan keu suka-suka

Hana ditakoet keu hukoem Tuhan
Di ateuh jalan teujak meuwa-wa
Agam ngoen dara ka sama ban
Ka teungoeh malam mantoeng meu dua-dua

Pak WH pih hana lee kabaran
Meujan-jan geujak razia
Geujak hai Pak sabee tiep malam
Bak bineuh jalan ureung meucinta

Neu peugreuh hai Pak broeh jalan
Jeut deuh Islam keudeuh u luwa
Peulom Acehnyoe meu syariat Islam
Mubheuk na nodaan Aceh mulia

Neu peulet hai Pak nyang ureung agam
Diateuh jalan geu meuen batee
Ka lam keudeu geu pudhuek minuman
Nyang bujang-bujang ganja meuribee

Ayah ngon Ma yue jak sikula
Geubie ngoen Honda jeut mudah perjalanan
Tapi di aneuk laen meuraba
Jak ba si dara u peulabuhan

Jamuen ka maju timue ngon barat
Alat peuralat manduem dari lua
Soe keuh nyang salah han ta tuoeh takat
Keudeuh bak hazarat ta seurah teuma


Saleum Sastra Aceh — di Banda, Indonesia

September 2011