Kisah Makwa Minah

foto internet

Cukoep that teulah jinoe di Makwa Minah karoeh geumeunikah  ngoen agam buya,  pike meu ubah oh leuh meunikah rupajieh meutamah parah lage nyang kaka.

Jinoe Makwa Minah cukoep that susah rata meunasah geujak kliek-klik droe, pikee keu lakoe lage penjajah beuda limoeng  blah ngoen awak Belanda

Pike hareta leu lam pangkee lampoeh teube pih  ata gala, geujak u kota ngon gaya Eropa moto geusewa payah meugade, oh deuh geukalon nyang dara-dara laju geu klep mata peukuwet misee.

Nyang na galak peuleumah mboeng peuleumah ganteung bak ureung lingka, hana dikira aneuk ka saboeh gudoeng abeuh meu taloe ek dhong aduen ngon A.

Beungoeh geujak malam han mupat woe kadang singoeh uroe baroe deh bule mata, bi ok salah haba laju geutampoe meumacam bagoe habaa seurapa

Uroe ka jula kapoh dua blah di Makwa Minah keuenuk masak bu, keueneuk pugoe du takoet geuserapa meunyoe lakee beulanja ciet meunan laku,  that geukarat aneuk lakee bu  keudeeh dibahue bak sagoe binteh

Teuduk teusepok di Makwa Minah ingat keukisah yoh phon muecinta, meupeugah kata engkaulah bulan engkaulah bintang sang-sang than lee lekang siumue masa, geupeugah sayang  meuribe kata meupeugah cinta sabee tip jan

Mantoeng tingat di Makwa Minah bak saboeh sejarah lam ujeun teuga, watee nyan Makwa hana meupayoeng  sinan meulindoeng yup on pisang, teuka Yahwa rijang neutulong geujoek payoeng ke Makwa, di Ayah Wa geutheum meubasah –basah demi Dek Minah Abang rela.

Hana trep masa leh berkenalan Yahwa rijang mat jaroe malem, ka sah meukawen awaknyan dua  kajeut meu wa-wa peugadoeh meusyen, takalon wajah  ban bintang beukah hana ceulah diduek noda, siapa sangka siapa kira  hantroeh meusimasa gadoeh teukheum

Geubeudoeh Makwa dari lamunan geusampoeh rijang ie mata nyang ile, ka meunoe takedee keuheundak Tuhan salah lon tuan wate phon mula, geumat jaroe Yahwa geu coem-coem lee geu khen lam hate “oh suami tercinta”

Kaseup keuh oh noe cerita lon karang maksud ngoen pesan neu muphoem keudroe, neu baca beu habeuh walaupun panyang neupeumeuah lon rakan sabab na tokoh kadang roeh nan droe.

Saleum