Kisah Yatim Muntui

Meulempah sayang aneuk leuk kutru,
Kahana le su gadoh lam uteun,
Salamalaikom rakan lon rindu,
Saleum sigapu yg guree hideung,

Sayang sayang sibintang kulu,
Cahaya tan hu oh teuka ujeun,
Sayang sayang yatim hana du,
Yg lempah pilu mutui e aduen,

Adoe ngon A

Tajak u Meulaboh bek ngon moto
Taek hai adoe Honda ngon supra
Mangat tajak mangat oh tawoe
Mangat lam asoe ta cucie mata

 

Meunan keuh hai dek kak peusampoe
Get bak adoe rancak bak ayunda
Meunyoe gata hanjeut lon tampoe
Umpama asoe ka duroe sueba

Assalamualaikoem

Assalamualaikoem mula ngon salam
Keu manduem rakan tuha ngon muda
Ubeut ngon raya hawa ngon adam
Nek Nong Nek Gam Pocut ngon Apa
Sinoe ngoen sideh laot ngon hutan
Lampoh ngon di blang manduem lon pangge
Leungoe keuh pacut saboeh karangan
Saboeh doanyan bak uroe lahee

Terimoeng geunaseh ulon sampoekan
Ateuh ucapan nyang katroeh teuka
Seubab di jaroe hantroeh meureugam
Lewat karangan lon cie peumada

Hoem eok

 Bak teungoeh lampoeh di timoeh bak jok

Reubah meutumpoek lam kulam bace

Adak barang gasoe nyang mat tampoek

Nanggroe nyang beuok dak jeut bek rele

Tajaga sabe ngoen sama antoek

Pat-pat nyang broek sigra tatuka

Jalan nyang reuloh ta teumpe beuok

Jeut bek meuantoek oh taek honda

Canden ngon Kelana

Dilikoet rumoeh timoeh bak mulieng

Timoeh bak cawieng bineh kuala

Kajeut hai kanda pakat peulamin

Bek sabe tarawien dilikoet honda

Mita Judoe (Balasan Untoek Bang Inas Oos)

Pasi Trieng Gadeng bakat meuadu
Pasi Alu Paku bakat meudoda
Cukop behe bak neu meulangu
Dara tabahu arungie desa

Sinan tapiyoh ubak waroeng bu
Ngon adek Mulu lanjoet cerita
Pajan kanda cinta neupadue
Keunoe kartu neukirem sigra

Maksud Hatee

Lon duk to pageu tahee teubingong
Leumah lon kalon jantong pisang klat
Ban bandum ino lon ci teumanyong
Sangkira keunong beudoh beuceupat

Makeusud hate lon neuk cok bungong
Di likot gunong rimba tat leubat
Lam rimba uleu meugah meutamon
Rimung lam gunong buah leupah that

Mita Alamat

Peunajoeh raja timphan teupong
Timpan gulong peunajoh putroe
Nibak nyoe uroe meulempah tutoeng
Criet rukoeng cukop meupaloe

Kaleuh ulon jak lon rawon-rawon
Ban saboeh gampoeng lon puta-puta
Lon mita gata bak rata juroeng
Bak on kurusoeng lon tanyoeng sigra

Wahe syedara pat na teulansong
Jantoeng hatelon hoe dibungka
Peukeuh na kata, haba meusioen
Hate that rihoen jinoe di teuka

Siat lon piyoh dimiyub bak ramboeng
Uroe that tutoeng saket anggota
Katrep meulempah ta tinggai ulon
Meusurat sioen hantoem te peuna

Peukeh digata saket that jantong
Nibak saboh thon gata la luka
Peukeuh than le meuah keu ulon
Jinoe hudep lon cukop meurana

Nyang Penteng Bek Karu

Soe peugah mangat kuah boh labu
Meunyoe dijampu ngon on kurusong
Soe peugah mangat meukawen ngon tengku
Tiep uroe minggu gadoh rah ija kroeng

Soe pegah mangat gule on paku
Meunyoe dijampu ngon on meria
Soe peugah mangat meukawen ngon pak guru
Meunyoe pajoh bu sabe poh dua

Jomblo

Wate jameun ureng kap beuso
Wate jinoe ureng kap bata
Uroe minggu ka teuka hana teu the droe
Teduk sidroe hana ngon mesenda

Bak babah pintoe duk meseloe
Hape bak jaro hana meubunyie
Hana sekali sms sampoe
Jak pakat adoe jalan u pasi

Gadoeh Gaseh

Bak uroe bengoh lon rawoet pureh
Broeh lon peugleh bak uroe ake
Janji suci nyang lon cureh
Lon tuleh ngon iklah hate

Beutoi sunggoh gata lon gaseh
Lam hate puteh lon kebah gata
Pakon keuh jinoe haba meulanggeh
Cinta nyang puteh kaciko raya

Bek Lale Le

Ujeun jitoh rimueng ji ca um 
Hanyot taloe krueng cabeung gelima
Sino peu leubeh sideh peu kureung 
Meupat ta teumeung narit peusuna

Jinoe di Aceh hansep le ureung
Habeh jih peusieng yoh saboh masa
Beklee meupakee wahe cut beuleun
Peusanteut bideung peusanteut banja

Beusapat tajak beusapeu takheun
Menan nyan keunong bak adat kita
Raja jak meuleuk putroe meu adee
Bak simpang lhee ureung lhat cintra

Bek tangui akai yang meulinteung ulee
Raseuki kureung wahe saudara
Tapeugot raga bak boh boh mamplam
tapeUgot lhan dengon kueh uruek

Peusan Peuingat

Assalam'alaikom rakan seunaroe
Aduen ngen adoe rakan selingka
Bek mupakee sabee keu droe-droe
Geutantoe mupaloe ban akhe masa

Beuta gaseh dan beu neu sayang
keu mandum insan dalam donya nyoe
Beugoet pie beugoet akai
Bek lagee binatang akai pi hana

Udep lam donya nyoe wahe e rakan
hana tatujan geutanyoe ta bungka
Aleeh sit uroe aleeh sit malam
Menan hai rakan udep lam donya

Percuma

Percuma lon sayang rugoe lon gaseh
Cinta kahabeh hana meusisa
Di cut bang jinoe kaneu semeleh
Ureng nyang puteh nyang le meugaya

Neupegah ngon lon hana seubareh
Jioh meulanggeh geutanyoe dua
Siluwe pasya ngon kotak gareh
Nyangkeuh peunileh cinta meutuka

Loen mita bungoeng

Haja dihate loentuan teumanyoeng
Puna bungoeng hinan e cuda
Bungoeng yang cantek bungoeng rupawan
Bungoeng hiasan hudep lam donya,

Neujaweub jinoe cuda beurijang
menyoe neusayang loen bek meurana
Seudeh that hatee wate ka malam
Di uloentuan sidroe lam kama,

Bek Muepake

Tajak u gle tatarek awe
Ta koh pade tente lam paya
Wahe syedara bek muepake
Lon bagi ade manduem piala

Dalam blang rame ureung meurabe
Ureng meubace lam krueng raya
Pakoen awak droe sabe lam pakee
Peukeh ka than le meusineuk rasa

Sesama syedara hudep beusabe
Taduek beusare peutimang banja
Bek lage nanggroe lam karue sabe
Susah that hate sengkak ngon dada

Sabe tiep uroe ta lengoe sue bede
Sagoe jeh meugule hilang ngon nyawa
Hana meudosa ka ikoet mate
Hana seumike nyang pubuet desya

Allah Hu Rabbon

Allah Hurabbon ilahon hak gampong jarak hantorok lee lonwoe
Adak bulee ulon tereubang mangat bagah rijang jak saweu adoe
Pakri lon tukri paki lon paban keheindak bak Tuhan Katroh bak masa
Oh bengoh uroe ulon jak ublang oh wate malam lon eh lamsagoe

Oh beungoh uroe lon pajoh pisang meunan hai rakan sabe tiep uroe
Sabe lamdingi oh wate malam ija bak badan ka tuha keudroe
Hana belanja dalam rantauwan sabee meu lang lang langkah tiep2 uroe
Sabe lon udep ngon belas kasihan jampang bak jampang chit deuk deuk troe

Bek Le Seumike

Assalamualaikoem e kumbang pade
Kumbang ateuh gle nyang ulon damba
Adak hoe lon jak sabe lam pike
Pajan boh hate ta meuduek dua

Bak pelamin kuneng ngon mirah hate
Bak bg Kade kaleuh teusewa
Tinggai geutanyoe taduk beusabe
Indah bukon le tebayang mata

Budaya Nyang Ka Meucroen

Dengoen Bismillah bareeh lon pupon
Assalamualikoem lon mula kata
Tanda geutanyoe meu adap ngon santoen
Jeureuneh bak imbon salem lon peuna

Haba lon gareh meutuleh ngon pucoek on
Keuneuk meuhimpoen ngon manduem syedara
Keunoe ulon jak ka lon tinggai juroeng
Niet lam hate lon jak mita saudara

Bantai Meususoen

Mula lon kata ngon assalamualaikoem
Samboet salem lon wahe syedara
Dengoen ie mata hana pre ditroen
Peunawa jantoeng lon lempah dibungka

Wahe rakan kadang na teulansoeng
Ta peugah bak lon wahe syedara
Canden that dara ngon pipi meuleusoeng
Oh di senyum phon lage ureung india

Pileh-Pileh

Sayang meu sayang duem gata wareh
Gaseh meugaseh sesama silingka
Tapegot banja ta ikat bareh
Lage page beuteh bek dilop bola

Wahe syedara sibungong manggeh
Tapajoh siireh cukop merasa
Geutanyoe umpama sigumpoi pureh
Kekuatan ta tindeh bela bangsa

Meumileeh

Pakek ija kroeng watee ta eh
Tabaloet beuteuh oh maen bola
Nyoe ka troek masa seumileèh
Beugoet neu tilek ngoen iku mata

Bek gara gara baje meu tuleh
Ka tajak pileh pemimpin nanggroe
Nyan keuh paloe tanyoe hai wareh
Kawoem seumileeh peng di pasoe

Ka Salah Arah

Salammualaikom adun ngen adoe,
Putra ngen putroe saleum lon tuju,
Nyang muda mudi senang that lagoe,
Sang sang rasa troe bahpih golom bu,

Dipasi lhok nga kareung meuranjoe,
Ureung jakj manoe oh uroe minggu,
Uroe palentin senang han bagoe,
Nyan keuh hai uroe saleng memadu,

Umpama Raket

Oh ie raya perle keu raket
Oh troh u buket hana le guna
Menyoe lon tepeu lagenyoe saket
Han ku let-let dari barosa

Segala useha ka ulon peutebet
Ngat jet keu raket mangat sampoena
Saket terasa sang meupiret
Sang meupicet hate lam dada

Kecewa Hate

Bungoeng jumpa Hana haroum lee
Boh kaye dalam gle Meurasa hana
Pakoen harapan Keu uloen neu bree
Oh meu kumat hate Gata ta bungka

Pakoen e cut bang Teèga that hate
Harapan ta breè Uloen preh cinta
Adak loen tupeu Youh masa dile
Gata loen geseé Keudeh lam paya

Laen Aroeh

Lon pula bungong baja ulon boh
Kameng lon paroeh bek kenoeng seuba
Ka nibak gata CINTA lon laboh
Tempat meupiyoh oh uroe kha

Teuma jino ka laen aroh
Tempat meutedoh ka angen bungka
Padum na jera ka hek ngon tuboh
Taloe saoh ka meutuka

Palo Biet Palo

Paloe bit paloe ureng lam nanggroe
Habeh meucawoe Barat ngon Timue
Duson ngon kuta hana le sahoe
Parang bak jaroe rata duem tae

Tajak sagoe jeh pih laen bagoe
Lako bino ka meucre-cre bre
Ureng dum jahe tajak sagoenyoe
Nanggroe Seramoe keubit kareule

Kumbang Merana

Kru seumangat jinoe loen tamoeng
Kisah keu bungong bacut calitra
Ulon riwayat mungken meu keunong
Sebab na bungong kumbang kecewa.

Bungong lam taman indah meu suson.
Meubei that harom si bungong jeumpa
Kumbang troh teuka bungong keuneuk com
Seudih that untong ka sou po jeumba.

Saleum Guree Paloh

Salammualaikom adun ngen adoe,
Putra ngen putroe saleum lon tuju,
Yang muda mudi senang that lagoe,
Sang sang rasa troe bahpih golom bu,

Dipasi lhok nga kareung meuranjoe,
Ureung jakj manoe oh uroe minggu,
Uroe palentin senang han bagoe,
Nyan keuh hai uroe saleng memadu,

Duem Bala

Assalamualaikoem e bungoeng mawoe
Bungoeng lam nanggroe sedeh hana ban
Meumacam rupa duem talengoe
... Hudep lam nanggroe than meurasa aman

Bak thon 12 ureung keun kiamat
Mungken ka meuhat wahe syedara
Bala duem teuka Timue ngon Barat
Habeuh meularat ureung lam doenya

Saleum Dari Jhony

Assalammu'alaikom rakan metuah
lisan bak babah tanda mulia
ho ka banbadum rakan ka lepah
hana le lemah bak laye kaca

Alhamdulillah pujoe ke Allah
jinoe lon langkah bk laye sastra
ka padup minggu uloen han lemah
kehendak bak Allah jino loen gisa

Meunsyen keu Syedara

Assalamualaikom kawoem lingka
Ka nibak sastra lon piyoh siat
Jak kalon sahabat ka dengon syedara
Bak tempat sastra yg ka meusapat

Naleng sambo di aTeuh jirat
Sipade lekat didalam paya
Dari jioh tamoeng lam teumpat
E ya hazarat sigra peunyata

Oh Aneuk Muda

Nibak malamnyoe bintang meutabu
Seumeloh hue ban sigoem doenya
Wahe syedara ta teuka laju
Tajak meulagu keunoe lam sastra

Wahe syedara mandum rakan
Tajaga badan bek roh binasa
Tameujaga bek jula malam
Kurus badan saket lam jungka

Pakon Adek?

Pakon di gata wahe adek lon
Oh dek payoeng geunaseuh poema
Nibak awai phoen langkah ta ayon
Taingat ulon cut kak gata

Hana laen oh dek payoeng
Harta meugudoeng hana kak damba
Ta kaloen hai dek ie mata ma ie troen
Ke gata adek lon oh bijeuh mata

Bungoeng Nanggroe

Assalamualaikoem hai bungoeng mawoe
Tajak keunoe ta peugah haba
Tapeugoet banja manduem geutanyoe
Sabe keu droe-droe beu saleung setia

Ngoen sineuk pureuh hanjeut ta seumampoeh
Ta peuna seretoeh atawa seikat
Meunan keuh sahabat umpama ulon boeh
Geutanyoe beutroeh taduek meusapat